कञ्चनपुर: कञ्चनपुरको एक सामुदायिक विद्यालयका पुर्व प्रद्यानाध्यापक दलित छात्राका अभिभावक बनेका छन । भीमदत्त नगरपालिका १४बनकट्टीमा रहेको बैजनाथ आधारभूत विद्यालयका पुर्व प्रअ खाती प्रेम बहादुर खाती दलित छात्रा निशा लुहारका अभिभावक बनेका हुन ।
बनकट्टीकै स्थानीय सागर लुहार र विष्ना लुहारकी कक्षा ५मा अध्ययतरत छात्रा निशा आर्थिक रुपमा विपन्न भएकाले उनको अभिभावकत्व पुर्व प्रअ खातीले ग्रहण गरेको विद्यालयले जनाएको छ । बैजनाथ आधारभूत विद्यालयका प्रअ पुष्पमणी जोशीले चालु शैक्षिक सत्र ०८१देखि अध्ययनका लागि लागि सम्पूर्ण खर्च पुर्व प्रअ खातीले बेहोर्ने गरेर कक्षा ५मा अध्ययनरत छात्रा निशाको अभिभावक बनेको बताए ।
आर्थिक रुपमा विपन्न दलित छात्राको भविष्यका लागि पुर्व प्रअ एव समाजसेवी खातीले अभिभावकत्व ग्रहण गरेसंगै छात्राका परिवार खुसी भएका छन ।
