कञ्चनपुर : कञ्चनपुरको भीमदत्त नगरपालिका क्षेत्रमा महिलाहरुलाई विपद व्यवस्थापन, तथा लैङ्गिक हिन्सा, न्यूनिकरणका लागि पैरवी क्षमता अभिबृद्धि तालिम दिईएको छ । शुक्रबारदेखि भीमदत्त नगरपालिका क्षेत्रमा महिलाहरुलाई विपद व्यवस्थापन, तथा लैङ्गिक हिन्सा, न्यूनिकरणका लागि पैरवी क्षमता अभिबृद्धि तालिम दिईएको हो ।
आर्दश महिला समाज नेपालले टेवा संस्थाको सहयोगमा महिलाको पैरवी क्षमता अभिबृद्धिका लागि तालिम संकलन गरेको छ । आर्दश महिला समाज नेपालका अध्यक्ष माया नेगीले विपद्देखि लैङिक हिन्सा न्यूनिकरणका लागि महिलाको क्षमता अभिबृद्धि गराउने उदेश्यका साथ दुई तालि तालिम शुरु गरेको बताए । ‘अहिले आगलागी, हावाहुरीको मौषम छ, ‘उनले भनिन, ‘केही दिनपछि वाढीपहिरोको समस्या निम्तिन्छ, त्यसैले हामीले अहिलेदेखि नै क्षमता विस्तारका लागि तालिम संचालन गरेका छौँ ।’ अध्यक्ष नेगीले विगत कोरोना महामारीदेखि विभिन्न समयमा आर्दश महिला समाज नेपालले टेवा संस्थाको सहयोगमा विवित समाजिक काम गर्दै आएको बताईन ।
सामुदायिक सुरक्षा जालोका संयोजक मञ्जु केसीले समयमै महिलाहरुलाई विपद् व्यवस्थापनदेखि लैङ्गिकहिन्सा बारे तालिम लिएसंगै उनीहरु आत्मनिर्भर बन्ने आफ्नो क्षमतासंग जुध्नसक्ने बताईन । तालिममा सहभागिहरुले समेत समयमै दुवै तालिम एकै पटक पाएपछि एकातिर विपद्का बेला महिला सुरक्षा र अर्कातिर लैङगिक हिन्सा न्यूनिकरणमा सहजता हुने बताएका छन । सहभागि आनन्दी भट्टले यसरी एकै पटक दुई विषयसंगै राखेर लिईरहेको तालिमबाट थप सिकाई हुने र व्यवसायिक जिवनमा समेत सहयोग पुग्ने बताईन । जनज्योती बहुमुखी क्याम्पसका प्रद्याध्यापक प्रजापती नेगी मुख्य प्रशिक्षक रहेका छन । तालिम शनिबारसम्म संचालन हुनेछ ।
