कञ्चनपुर : कञ्चनपुरको पुनर्वास नगरपालिका –०६ बस्ने लक्ष्मी खडका मृत अवस्थामा फेला परेकी छन् । २२ वर्षिय लक्ष्मी खड्का भीनपा –१८ खैरभट्टी स्थित नन्दा जोशीको घरमा झुण्डिएको अवस्थामा मृत फेला परेकी हुन् ।
पुष १७ गते देखि घर बाट भागी परिवारका सदस्यले सोधपुछ गर्दा कहिले महेन्द्रनगर छु भन्ने कहिले अत्तरिया र कहिले काठमाडौं छु भन्दै आएकी छोरीको एक्कासि मृत्यु भएको जानकारी जिल्ला प्रहरी कार्यालय कञ्चनपुर ले आफुलाई जनकारी गराएको मृतकका बुवा तारा खडकाले बताए ।
मृतक सँगै बस्दै आएका हुम्ला सिमकोट –४ का धेसराज शाहीलाई उक्त घटनामा संलग्नको आंशकामा पक्राउ गरी अनुसन्धान गरी रहेको जिल्ला प्रहरी कार्यालय कञ्चनपुका प्रहरी प्रवत्ता प्रकाश डागीले जानकारी दिएका छन् । यता मृतकका परिवारले बलात्कार पछि हत्या भएको आसंका गरेका छन् । घटनामा संलग्नलाई कडा भन्दा कडा कारवाहीको माग अघि सारेका छन् ।
