सप्तरी : नेपाल र भारत सिमा दसगजामा एकजना पुरुष मृत अवस्थामा फेला परेका छन्। बुधबार सप्तरीको तिलाठी कोईलाडी गाउँपालिका १ भन्सार चौकबाट रामपुर मल्हनिया जानेबाटोको दायाँतर्फ कुनौली जाने दशगजामा अन्दाजी ४५ वर्षका पहाडी मुलका देखिने पुरुषको शव भेटिएको प्रहरीले जनाएको छ।
जिल्ला प्रहरी कार्यालय सप्तरीका अनुसार स्थानीयहरुले घोप्टो परेको अवस्थामा शव देखेपछि प्रहरीलाई जानकारी दिएका थिए। प्रहरीले शवको फोटो सार्वजनिक गर्दै पहिचान गर्न अनुरोध गरेको छ। शव पहिचान भइसके पश्चात् परिवारलाई जिम्मा लगाउने प्रहरीले जानकारी दिएको छन्। हाल पोस्टमार्टमको लागी शवलाई गजेन्द्रनारायण सिंह अस्पतालमा राखिएको छ।
