कञ्चनपुर:निड्स नेपालले कञ्चनपुरको भिमदत्त नगरपालिकाका अन्तर्गतका २० जना र कृष्णपुर नगरपालिकाका ६ जना स्वास्थ्यकर्मीहरु लाई दुई दिने मनोसामाजिक परामर्श तालिमको समापन गरिएको छ ।लुथरन वर्ल्ड रिलिफ (एलडब्लुआर) को आर्थिक सहयोग र टिपिओ नेपालको प्राविधिक सहयोगमा सो तालिमको संचालन गरिएको हो । कोभिड १९ बाट प्रभावितहरुको मनको भाव बुझी सो अनुसार कसरी परामर्श गर्ने र उनीहरुबाट नै समस्या समाधानका लागि पहल कसरी गराउन सकिन्छ भन्ने कुराको तालिममा विशेष जोड दिईएको थियो । समाजमा विभिन्न किसिमका व्यक्तिहरु, समुहहरु छन उनीहरुको पिडा, आवेगहरु आ आफनै किसिमको रहेको छ । सो भावलाई बुझी सेवा दिनु पर्ने हुन्छ । यदि सेवाग्राहीको सहानुभतीको आधारमा सेवा दिन सकिएन भने जहिले पनि सेवाग्राहिले सेवा प्रदान गर्नेहरुबाट असुन्तष्ट प्रकट गरिरहेको हुन्छ ।