अखिल नेपाल फुटबल सङ्घ ‘एन्फा’ को वार्षिक कार्यक्रम अनुसार कञ्चनपुर जिल्ला फुटबल संघको आयोजना संचालन भएको जिल्ला लिग फुटबल प्रतियोगिताको २०७७/०७८ अन्तर्गत आज तिन खेल हुँदै छन् ।महेन्द्रनगरको खुलामञ्चमा आज प्रतिस्पर्धात्मक तीन खेल हुने छन् । जसमा पहिलो खेल युथ क्लब अफ महाकाली र सेक्युर्ड नेपाल बिच बिहान १० बजे, दोस्रो खेल द ग्यालेक्सी युथ क्लब र अरनिको युवा क्लब बिच दिउँसो १ बजे र उक्त दिनको तेस्रो खेल डिफेन्डिङ लिग च्याम्पियन दिपज्योती युवा क्लब र राम युवा क्लब पुनर्वास बिच दिउँसो ३ बजे प्रतिस्पर्धात्मक खेल हुने लिग संयोजक चन्द्र सिंह थलालले बताउनु भएको छ।जिल्ला लिग फुटबल प्रतियोगितामा संघमा आवद्ध १२ क्लबहरु को सहभागिता रहेको छ। जसमा दुई समुहमा बिभाजन गरि लिग संचालनमा रहेको छ।