स्वास्थ्य स्वयंसेविका मार्फत समुदायमा खोपको बारेमा जानकारी तथा सकारात्मक सन्देश फैलाउनु, नयाँ भेरियन्टको जोखिम कम गर्न स्वास्थ्य संस्थाको क्षमता विकास गर्नु, आवश्यक स्रोत साधनहरूको सहयोग गर्नुका साथै रोजगारी गुमाएर घर फर्किएका व्यक्तिहरूलाई आयस्तर वृद्धि गर्न सहयोग गर्नु आदि अभिमुखीकरणका मुख्य उद्देश्य रहेको परियोजनाका कार्यक्रम संयोजक विनोद सिंह कडाराले जानकारी दिनुभयो ।कोभिड १९ बाट प्रभावित समुदायको लागि स्थानीय सरकारसँग समन्वय गरी स्वास्थ्य संस्थाहरूको माध्यमबाट गैरसरकारी संस्था निड्सको साझेदारीमा कोभिड १९ जस्ता महामारी रोकथाम र पहिचान, व्यवस्थापन र उपचारका लागि आवश्यक सामग्री तथा उपचारमा सहयोग उपलब्ध गराउने साथै कोभिडका कारण विस्थापित भएका आप्रवासीहरूलाई सहयोग र सहायता प्रदान गर्ने परियोजनाको मुख्य उद्देश्य रहेको बताइएको छ ।

भीमदत्त नगरपालिकाका स्वास्थ्य शाखा प्रमुख नरेन्द्र जोशी र स्वास्थ्य अधिकृत भीम सिंह महराले अभिमुखीकरण कार्यक्रमको सहजीकरण गर्नु भएको थियो । साथै ३ वटा वर्थिङ सेन्टरमा स्वास्थ्य सामग्री सहित कम्बलहरू हस्तान्तरण गरिएको छ ।