कञ्चनपुर: मनसुन सकिएपछि अनपेक्षित रुपमा परेको बर्षाले ल्याएको बाढीले कञ्चनपुरको झर्नाखोलाको पुल पहुँचमार्ग भत्किएको छ । बेलडाँडी गाँउपालिका १ सरस्वती माविदेखि दुईकट्टा बस्ती जोड्ने झर्नाखोलामा रहेको कल्र्भट बाढीले पहुँचमार्ग भत्किएको हो । पुलको दाँयाबाँया सडक भत्किएसंगै स्थानीयलाई आवजजावतमा समस्या भईरहेको छ । स्थानीय दिपकराज जोशीले झर्नाखोलामा आएको बाढिले पुलको उत्तर र दक्षिणको सडक भत्काईदिएपछि आवतजावतमा समस्या भएको बताए । ‘खोलाले पुलको दुवैतर्फको सडक भत्काईदिएको छ, ‘उनले भने, ‘खोलामा सिङ्गै पुल छ, ‘सडक पुरै भत्काईदियो ।’ स्थानीयलाई मात्र नभई विद्यार्थीलाई मसेत समस्या भएको छ ।
सरस्वती मावि सहित अन्य विद्यालयमा अध्ययनरत विद्यार्थीलाई घुमाउरो भएर विद्यालय जानुपर्ने बाध्यता छ । झर्नाखोलामा आएको वाढिले बेलडाँडी गाँउपालिका १ र बेलौरी नगरपालिका ९ उचो भागमा कटानी र होचो भागमा पटान गरिदिएको छ । बेलडाँडी गाँउपालिकाले गत आर्थिक बर्ष २०७७÷०७८ मा खोलामा कल्र्भट निर्माणको योजना ल्याएको हो । चुरे सहित शुक्लाफाँटा राष्ट्रिय निकुञ्ज भएर बग्ने झर्नाखोलाले पानीको बहाव धान्न नसक्ने सानो कल्र्भट निर्माण योजना नै त्रृटिपूर्ण रहेको स्थानीयको भनाई छ । खोला ठुलो छ, तर, पुल योजना सानो भएकाले सडक भत्किएर पुन नागरिकलाई दुख खेप्नुपर्ने बाध्यता सृजना भएको छ । गाँउपालिकाको अदुरदर्शीताका कारण नागरिकले विपद्को समस्या खेप्नु परेको छ । बेलडाँडी गाँउपालिका प्रवक्ता अमर बहादुर खत्रीले आयोजना नै त्रृटिपूर्ण रहेको स्वीकार गर्नुभयो । ‘नदीको बहाव अनुरुप पुल निर्माण गर्नुपथ्यो, ‘त्यो भएन, उनले भने, ‘आयोजना नै गलत हुँदा पुल भत्कियो, अब पुर्ननिर्माण गछौँ ।’
तत्तकालका स्थानीयलाई आवत जावत गर्न अस्थायी प्रकृतिको पुर्ननिर्माण गर्ने र पछि झर्नाखोलामा स्थायी प्रकृतिको पुल निर्माण गर्ने उनले बताए । स्थानीयले पुल भत्किएको विषयमा स्थानीय, प्रदेश र संघीय सरकार तिनका जनप्रतिनिधी कसैले समेत अनुगमन नगरिदिएको गुनासो पोखेका छन । झर्नाखोलामा विगत ०६५सालदेखि वाढिले कटानी तथा पटानीको समस्याले हजारौँ विगाह उर्बराखेती नासिदा समेत सरकारी निकायबाट त्यसको दिर्घकालिन समाधानमा चासो समेत दिईएको छैन । अन्य बाढिप्रभावित क्षेत्रमा लस्कारका लस्कर जाने नेता जनप्रतिनिधीलाई स्थानीयले झर्नाखोलाको पीडाप्रति कुनैपनि सरकार, नेता जनप्रतिनिधी उत्तरदायी नभएको आक्र्रोस पोखेका छन । योजना दिने पनि कमजोर खालको समस्या परेपछि पनि जनताको पीडा सम्बोधन नगर्ने भन्दै स्थानीय दुखित भएका छन ।
