कञ्चनपुर, जिल्लाको दक्षिणी क्षेत्रमा रहेको लालझाडी युवा क्लबले खेलकुद क्षेत्रमा एकाएक फड्को मार्न सफल भएको छ। खेलकुद क्षेत्रमा स्थानीय खेलाडी उत्पादन गर्ने उद्देश्यले पुनर्वासमा ६ महिना निःशुल्क फुटबल प्रशिक्षण कार्यक्रमको उद्घाटन गरिएको छ । एक कार्यक्रमका बिच सनिवार अखिल नेपाल फुटबल संघ (एन्फा) का केन्द्रीय अध्यक्ष कर्मा छिरिङ शेर्पाले फुटबल प्रशिक्षण कार्यक्रमको उद्घाटन गर्नु भएको हो।एउटा ग्रामीण क्षेत्रमै नमुना फुटबल एकेडेमीका रूपमा स्थापना गर्दै क्लबले त्यसको अनुमतिका लागि एन्फा का अध्यक्ष शेर्पालाई ज्ञापन पत्र समेत बुझाएको छ । कार्यक्रमलाई सम्बोधन गर्दै अखिल नेपाल फुटबल संघ (एन्फा) का केन्द्रीय अध्यक्ष कर्मा छिरिङ शेर्पाले शिक्षा र खेलकुदलाई एकसाथ अगाडि बढाउनु पर्नेमा जोड दिनु भयो। उनले कोरोना भाइरस कोभिड- १९ को महामारीको कारण थला परेको खेलकुद गतिविधिलाई चलायमान बनाउन सरकारसँग अनुरोध गरे । खोप लगाएरै भएपनि खेलकुदका कार्यक्रम सञ्चालन गर्ने वातावरण बनाउनु पर्ने बताउनु भयो।