पवन थापा /कञ्चनपुर
कञ्चनपुरको दक्षिणी क्षेत्र मा अवस्थित बेलडाँडी गाउँपालिका वडा नं ५ अन्तर्गत पर्ने झिलमिला(तिलाचौर) वस्तीमा रहेको कालिका मन्दिर परिसरमा वातावरण दिवसको अवसर पारी वृक्षारोपण कार्यक्रमको शुभारम्भ गरिएको छ । दोस्रो लहरको कोभिड १९ लाई मध्यनजर गरी सरकारले तोकेको स्वास्थ्य सम्बन्धी मापदण्ड को पुर्ण रुपमा पालना गर्दै उक्त कार्यक्रमको सञ्चालन गरिएको झिलमिला युवा समाजका समाजसेवी रविन्द्र रोकायाले जानकारी दिनुभएको छ। वर्तमान समयमा वृक्षारोपणको महत्त्व लाई अग्रपंक्तिमा राख्दै कार्यक्रममा उपस्थित बेलडाँडी गाउँपालिका अध्यक्ष, उपाध्यक्ष, वडा नं २ अध्यक्ष, ५ अध्यक्ष, सदस्यहरु , बुद्दिजिबी र समाजसेवी द्वरा सयुक्त रुपमा मन्दिर परिसरमा रुद्राक्ष, रक्तचन्दन, स्वामी, वेल पत्र, अमला, सुपारी, श्रीखण्ड जस्ता महत्वपूर्ण वोटविरुवाहरुको रोपण गरि कार्यक्रम शुभारम्भ गरिएको छ ।
उक्त वोटविरुवाहरुको परिपुर्ति कालिका मन्दिर उपभोक्ता समितिद्वरा गरिने समिति का अध्यक्ष मदन राज उपाध्याय ले जानकारी दिनुभएको छ । उनका अनुसार यस वृक्षारोपण कार्य लाइ सफल बनाउन यस क्षेत्रको झिलमिला युवा समाजका समाजसेवीहरु संगको सहकार्य र स्थानीय बासिन्दाहरुको महत्वपूर्ण भुमिका रहने हुदा सवैलाई पालैपालो भिडभाड नहुने गरी श्रमदान गर्न अनुरोध गरिने र स्वास्थ्य सम्बन्धी आवश्यक मापदण्ड को पुर्ण रुपमा पालना हुने गरी अगाडि वढ्ने जानकारी दिनुभएको छ।
