कञ्चनपुर,
भीमदत्त नगरपालिका वडा न.१३,बैजनाथ टोल विकास संस्थाको आयोजनामा मानव वन्यजन्तु असमझदारी व्यवस्थापन तथा अवैध चोरी शिकार नियन्त्रण सम्बन्धि सरोकार पक्षहरुसंग अन्तरक्रिया कार्यक्रम सम्पन्न भएको छ ।
शुक्लाफाँटा राष्ट्रिय निकुञ्ज,देवीदल गण,झोलुङ्गे प्रहरी चौकी र द किङ्स युथ क्लब को सहकार्य मा सम्पन्न कार्यक्रम मा प्रमुख अतिथि भि.न.पा. १३ का वडा सदस्य अजब सिंह ठगुन्ना रहनु भएको थियो ।टोल विकास संस्था का अध्यक्ष महेश दत्त भट्ट को अध्यक्षता मा संचालित कार्यक्रमको विशिष्ट अतिथीहरुमा देवी दल गण पिपरैया गुल्म का उप सेनानी निरज गुरुङ,झोलुङ्गे प्रहरी चौकी इन्चार्ज दिपक प्रसाद भण्डारी,शुक्लाफाँटा राष्ट्रिय निकुञ्ज का रेन्जर याम बहादुर रावत र अतिथिहरुमा पुर्व वडाध्यक्ष दुर्गा दत्त भट्ट,शुक्लाफाँटा उपभोक्ता समिती कोषाध्यक्ष चन्द्र बहादुर मगर,बैजनाथ उपभोक्ता समिति अध्यक्ष दिपक बुढा,सप्तऋषि सहकारी संस्था का अध्यक्ष हरि सिंह साउद, सिद्धनाथ टोल विकास संस्था का अध्यक्ष जैभान दमाई,शिवनगर का रमेश बहादुर बोहरा,सोनापुर का मंगला ओड परी लगायत स्थानीयहरुको उल्लेख सहभागिता रहेको थियो ।
कार्यक्रममा बोल्दै रेन्जर याम बहादुर रावत ले कहिलेकाही जंगली जनावर र मानव बीच असमझदारी देखिने सम्भावना रहे पनि मध्यवर्ती क्षेत्रबासी र निकुञ्ज को घनिष्ठ सम्बन्ध रहनु पर्छ,अन्यथा संरक्षणको अभियान अधुरो हुन जान्छ।शुक्लाफाँटा समुदायमा हुने अवैध चोरी शिकार नियन्त्रणमा टोलबासीहरुको महत्त्वपूर्ण भुमिका रहने भएकोले सानो क्षेत्रफल भित्र धेरै प्रजातिका वनस्पति तथा वन्यजन्तु पाइने सुदुरपश्चिम प्रदेशकै आकर्षक गहनाका रुपमा रहेको शुक्लाफाँटा राष्ट्रिय निकुञ्ज को संरक्षणमा सम्पुर्ण सरोकार पक्षहरुले जोड दिनुपर्ने बताए।
कार्यक्रममा बोल्दै रेन्जर याम बहादुर रावत ले कहिलेकाही जंगली जनावर र मानव बीच असमझदारी देखिने सम्भावना रहे पनि मध्यवर्ती क्षेत्रबासी र निकुञ्ज को घनिष्ठ सम्बन्ध रहनु पर्छ,अन्यथा संरक्षणको अभियान अधुरो हुन जान्छ।शुक्लाफाँटा समुदायमा हुने अवैध चोरी शिकार नियन्त्रणमा टोलबासीहरुको महत्त्वपूर्ण भुमिका रहने भएकोले सानो क्षेत्रफल भित्र धेरै प्रजातिका वनस्पति तथा वन्यजन्तु पाइने सुदुरपश्चिम प्रदेशकै आकर्षक गहनाका रुपमा रहेको शुक्लाफाँटा राष्ट्रिय निकुञ्ज को संरक्षणमा सम्पुर्ण सरोकार पक्षहरुले जोड दिनुपर्ने बताए।वडा सदस्य अजब सिंह ठगुन्नाले जैविक विविधता संरक्षण,मध्यवर्ती क्षेत्रमा हुने मानव वन्यजन्तु असमझदारी ब्यवस्थापनका लागि आफू ब्यक्तिगत र संस्थागत रुपले निरन्तर सक्रिय रहने बताए । उप सेनानी निरज गुरुङ का अनुसार शुक्लाफाँटा राष्ट्रिय निकुञ्जको संरक्षणमा देवीदल गण ले विभिन्न सुरक्षा प्रविधिको प्रयोग गरेर,विभिन्न किसिमका अपरेसन मार्फत, गाउँ टोलस्तर,विद्यालय मा संरक्षण शिक्षा प्रदान गरि निकुञ्ज संरक्षण र विभिन्न पक्षसंग हातेमालो गरि सामाजिक दायित्व समेत निर्वाह गरि रहेका छौं ।
कार्यक्रम संचालन संस्था का सचिव भवानी दत्त भट्ट ले गरेका थिए ।अध्यक्ष भट्ट का अनुसार टोल विकास संस्थाले निकुञ्जको संरक्षण,वातावरणिय पर्यावरण,सरसफाइ को क्षेत्रमा विभिन्न पक्षहरु संग सहकार्य गर्ने कार्यलाई निरन्तरता दिई रहेका छौं ।पिपरैया घाट बाट निकुञ्ज प्रवेश का लागि खर कडाइ पुर्जी पौष १३-१५गते सम्म रहेको छ,सो अवधीमा अवैध चोरी शिकारका गतिविधि हुन नदिन र निकुञ्ज प्रवेश गर्दा स्थानीयहरुले होशियारी अपनाउने विश्वास गरेका छौं ।
कार्यक्रम संचालन संस्था का सचिव भवानी दत्त भट्ट ले गरेका थिए ।अध्यक्ष भट्ट का अनुसार टोल विकास संस्थाले निकुञ्जको संरक्षण,वातावरणिय पर्यावरण,सरसफाइ को क्षेत्रमा विभिन्न पक्षहरु संग सहकार्य गर्ने कार्यलाई निरन्तरता दिई रहेका छौं ।पिपरैया घाट बाट निकुञ्ज प्रवेश का लागि खर कडाइ पुर्जी पौष १३-१५गते सम्म रहेको छ,सो अवधीमा अवैध चोरी शिकारका गतिविधि हुन नदिन र निकुञ्ज प्रवेश गर्दा स्थानीयहरुले होशियारी अपनाउने विश्वास गरेका छौं ।
